Қытайда тасқыннан 54 мыңдай адам үйлерін тастап кетті

Қытайдың оңтүстігіндегі Гуаньси провинциясына «Нарра» тайфуны соққы берді. Соңғы мәліметке қарағанда, жауындатып жеткен дауылдан аймақтың бір бөлігін топан су басып, 54 мыңдай тұрғын үйлерін тастап кетті. Эвакуацияланғандардың 8 мыңнан астамы уақытша шатырларға орналастырылды.

Құтқарушылар адамдарды көшіру үшін арнайы қайықтарды қолданды. Метеорология мамандарының болжамынша, Гуаньси мен көршілес провинцияларда алдағы уақытта тағы да жауын құйып, су тасуы мүмкін.