Партия жетекшілері сайлау қорытындысын оң бағалады

Сайлау ашық, әділ әрі бәсекеге толы өтті. Құрылтай депутаттарын сайлау қорытындысына қатысты партия жетекшілері осындай пікір білдірді. «Әділет» пен «Ауыл» партиясы сайлаудың ашық өткенін атап өтті. Respublica 5,4 пайыздық нәтижесін жаңа кезеңнің бастауы деп бағалады. «Ақ жол» азаматтардың сенімін ақтауға уәде берді. Ал Оппозициялық социал-демократиялық партиясы 5 пайыздан жоғары қолдау – халықтың сенім мандаты деді. Қазақстанның Халық партиясы сайлауды азаматтардың белсенділігі мен саяси жаңғырудың көрінісі деп бағалады.