Ақмола облысында үстел теннисінен ашық республикалық турнир өтті

Ақмола облысының Щучинск қаласында үстел теннисінен «Burabay OPEN» ашық республикалық турнирі өтті. Оған еліміздің 10 өңірінен 60 шақты спортшы қатысты. Олардың қатарында спорт шеберіне үміткерлерден бөлек, салауатты өмір салтын ұстанған жастар және ардагерлер бар. Бүгінде үстел теннисі бұқаралық спорт түрі ретінде қарқынды дамып келеді. Ұйымдастырушылар осындай ашық турнирлер ұлттық құрамаға үміткерлерді іріктеуге көмектеседі, - дейді.

Берік Тоқтамысов, ардагер спортшы:

Мен үстел теннисімен 2022 жылдан бері тиянақты түрде айналысып жүрмін. Жасым 65-те. Алдыма қойған мақсатым - ең бірінші денсаулығымды жақсарту. Қозғалыс денсаулыққа пайдалы. Қатысқалы жүлделі орындарды алуға тырысудамын.