Мәскеуде жанармай саудасына шектеу қойылды

Мәскеуде бензин саудасына шектеу қойылды. «Газпромнефть» Ресей астанасындағы жанармай құю станцияларында бензин мен дизельдік отынды бір қолға 40 литрдан ғана сатып жатыр. Ал «Роснефть» 30 литрдан артық бермейді. Дәл осындай үнемдеуді «Лукоилдың» станцияларынан да көруге болады.

Тағы бір айта кететін жайт, автомашиналарының бактарын толтыру үшін жүргізуішер ұзын-сонар кезекте тұр.

Ресейде отын тапшылығы мамырда күшейіп, шілдеде көптеген өңірлерде байқалды. Бұндай жағдайдың қалыптасуына Украина армиясының көрші мемлекеттің мұнай өңдеу зауыттарына дрондармен қайта-қайта соққы беруі және жанармайға маусымдық сұраныстың артуы себеп болып отыр.