Құрама штаттардың мемлекеттік қарызы 40 трлн доллардан асты

АҚШ-тың қарызы алғаш рет 40 триллион доллардан асты. Осылайша, Құрама Штаттардың мемлекеттік берешегі соңғы он жылда екі есеге артқан. Мұны Американың Қазынашылық департаменті хабарлады.

Сарапшылардың ойынша, бұл өсімге Трамп пен Джо Байден әкімшіліктері тұсында шығындардың айтарлықтай көбеюі мен пайыздық төлемдердің үздіксіз артуы себеп болған. 

Болжамдарға қарағанда АҚШ-тың ұлттық борышы 2036 жылы 64 триллион долларға жетуі ықтимал. Кейбір экономистердің пікірінше, федералдық үкіметтің бюджет тапшылығының орнын толтыру үшін қарызды көп алуы несие пайызы мен инфляцияны жоғарылатып, елді қымбатшылыққа душар етеді.