Әлеуметтік маңызы бар 11 ауру белгісі болса, тегін қызмет көрсетіледі

Кепілдендірілген медициналық көмек аясында әлеуметтік маңызы бар 11 ауруға күдік туған жағдайда азаматтарға консультативтік-диагностикалық қызметтер тегін көрсетіледі. Тегін қызмет медициналық сақтандыру мәртебесіне қарамастан қолжетімді. Олардың қатарында туберкулез, адамның иммун тапшылығы инфекциясы, қатерлі ісіктер, созылмалы вирустық гепатиттер мен бауыр циррозы, психикалық және мінез-құлқындағы бұзылыстар, орфандық аурулар, жүйке жүйесінің дегенеративті және деми ели низация аурулары, эпилепсия, сондай-ақ жедел миокард инфарктісі мен инсульт бар.

 Әлеуметтік маңызы бар аурулар: 

 1. Туберкулез
 2. АИТВ инфекциясы
 3. Қатерлі ісіктер
 4. Созылмалы вирустық гепатиттер және бауыр циррозы
 5. Психикалық және мінез-құлықтық бұзылыстар
 6. Орфандық аурулар
 7. Жүйке жүйесінің дегенеративті аурулары
 8. Орталық жүйке жүйесінің демиелинизациялық аурулары
 9. Эпилепсия
 10. Жедел миокард инфарктісі
 11. Инсульт