Трамптың рейтингі 33%-ға дейін төмендеді

АҚШ президенті Дональд Трамптың рейтингі билікке келгелі ең төменгі деңгейге түсті. Reuters/Ipsos компаниялары төрт күн бойы жүргізген сауалнама нәтижесіне қарағанда, Құрама Штаттар лидерінің жұмысына респонденттердің 33 пайызы ғана риза. Ал қолдамайтындар саны 64 пайызға жетіп отыр.

Трамп Ақ үйге 2025 жылы қаңтарда оралды. Сол кезді оны америкалықтардың 50 пайызға жуығы жақтаған еді. Алайда биыл Иранның АҚШ-қа төтеп беріп, соғыстың ұзаққа созылып кетуі, Ормұз бұғазының жабылуы Америкада да бензинді қымбаттатып, Трамптың халық алдындағы беделіне үлкен нұқсан келтіріп отыр.