Өзбекстандағы Қазақстан азаматтары сайлауға қатыса алады

Олардың дені – еңбек етіп жүрген азаматтар мен білім алып жүрген студенттер. Шет мемлекеттердегі ең ірі сайлау учаскелерінің бірі Ташкент қаласында орналасқан. Мұнда консулдық есепте тұрған және уақытша жүрген қазақстандықтар дауыс бере алады. Саяси науқанға қатысушыларға қолайлы жағдай жасау үшін Өзбекстан астанасының маңындағы туристік орындарда да жылжымалы дауыс беру жәшіктері қойылады. Бұл сапарда жүрген қазақстандықтарға сайлау учаскесіне арнайы бармай-ақ, өз таңдауын жасауға мүмкіндік береді. Осылайша, шетелде жүрген отандастардың да Құрылтай сайлауына қатысып, елдің болашағына қатысты өз ұстанымын білдіруіне мүмкіндік жасалып отыр.