Неке және отбасы құндылықтары Конституция деңгейінде қорғалған

Қазақстанда неке мен отбасы құндылықтары Конституция деңгейінде қорғалған. Яғни Ата Заңда «Неке – еркек пен әйелдің мемлекет заңына сәйкес тіркелген ерікті және тең құқықты одағы» деген жаңа бап енгізіліп, отбасындағы тәрбиені нығайтуға басымдық беріліп отыр. Сонымен қатар, бұл бап дәстүрлі құндылықтарды құқықтық деңгейде қорғауға мүмкіндік береді. Әрі шаңырақ көтерудің мән-маңызы айқындала түскен. Елімізде ер мен әйелдің одағын сақтап, отбасы институтын нығайту мақсатында 160 Отбасын қолдау орталығы тұрақты жұмыс істейді.

Жібек Сайдахан, психолог:

Отбасы институты, отбасы құндылығы бұл Ата заңымызда, жалпы алған кезде, аса қатты мән берілген. Өзіндік үлкен бір мәні бар дүние. Және заңымызда ер мен әйелдің теңдігі, некенің заңды күші аса маңызды екені көрсетілген. Бұл Конституция деңгейінде өте дұрыс шешім деп қабылдаймын.