Құзырлы мекемелерде кадрлық ауыс-түйіске мораторий енгізіледі деген ақпарат – жалған

2026 жылғы қарашадан 2027 жылғы ақпанға дейін құқық қорғау органдары мен Қарулы күштердің қызметкерлерін жұмыстан босатуға және кадрлық ауыс-түйістерге мораторий енгізіледі деген ақпарат – фейк. Жалған ақпаратқа қарсы іс-қимыл орталығының мәліметінше, хабарламада сілтеме жасалған заңда мұндай норма жоқ. Сондай-ақ ол мәтінде құжаттың нақты деректемелері мен мораторий енгізуге негіз болатын заң нормасы көрсетілмеген. Орталық мұндай ақпаратты ресми дереккөздерден тексермей таратпауға шақырады.