Этна вулканының атқылауына байланысты Сицилия мен Мальтада әуе рейстері тоқтатылды

Еуропаның ең белсенді вулканы «Этнадан» лава ағып жатыр. Сонымен қатар, одан бүгін тас пен күл де төгілді. Бұл көріністі тамашалау үшін тау бөктеріне туристер барып жатыр.

Көкке түтін мен тозаң көтерілгендіктен, жазғы демалыс маусымында Сицилияның Катания қаласының әуежайын уақытша жабуға тура келді. Ал ғарыштан түсірілген суреттерге қарағанда, «Этна» вулканының күлі Мальтаға да жетіп, Жерорта теңізіндегі аралға саяхатшылар көптеп барар шақта жергілікті билікті авиациялық рейстердің  кейбірін доғаруға мәжбүрлеп отыр.