Қытайда көне қаланы топан су басты

Қытайдың Цзянсу провинциясында алапат тасқынмен күрес жалғасып жатыр. Соңғы мәліметке қарағанда, аймақтағы Цзиньси деген көне қаланың  айтарлықтай бөлігін су басқан. Өңірде мұндай жағдайдың қалыптасуына бірнеше күн бойы төпелеп жауған жаңбыр себепші. Дегенмен, жергілікті ақпарат құралдарының хабарлауынша, бүгін-ертең су тартыла бастайды.

Қытайда биыл осындай бірнеше апат болды. Жауындар мен сұрапыл тайфундардан талай қала мен елді мекен зардап шекті. Ғалымдардың ескертуінше, елде табиғи катаклизмдердің жиілеуіне климаттың өзгеруі де түрткі болып отыр.