Колумбияда жер сілкінісінен қаза тапқандар саны 265-ке жетті

Колумбияда жер сілкінісі құрбандарының саны 265-ке жетті. Елдің батысында іздеу-құтқару операциялары төртінші күнге ұласты. Соңғы мәліметке қарағанда, 500-дей адам жоғалып кеткен. Дүйсенбі күні бұл мЕмлекеТте қуаты 7,4 баллдық зілзала болды. Одан мыңдаған үй мен аурухана және мектептер қирады. Жалпы алғанда, 26 мыңға жуық отбасы зардап шеккен.

Сейсмологтардың мәліметінше, зілзала толық тоқтаған жоқ. Апта басынан бері магнитудасы әлсіз 130-дай дүмпу тіркелген. «Ассоушиэйтед пресс» агенттігінің хабарлауынша, Колумбияға жәрдем ретінде АҚШ 15 миллион доллар бөлсе, Мексика мен Сальвадор ұшақтармен гуманитарлық көмек жөнелтіп жатыр.