АҚШ-та қатты дауылдан 575 мың тұрғын жарықсыз қалды

АҚШ-тың Орта-Батыс өңірінде қатты дауыл соғып, бір адам қаза тапты. Табиғи апат салдарынан Иллинойс пен Индиана штаттарында ағаштар құлап, ғимараттар зақымданып, жолдар жабылды. CBS News метеОрологтарының мәліметінше, ПОртидждің кей бөліктерінде желдің жылдамдығы сағатына 100–110 мильге, яғни шамамен 177 шақырымға жетуі мүмкін. Дауыл салдарынан Чикаго мен Индиананың солтүстік-батысында 575 мыңға жуық тұтынушы жарықсыз қалған. Портидж қаласында дауыл кезінде бір үйде жарылыс болып, бір адам көз жұмды. Алайда оның ауа райының қолайсыздығымен тікелей байланысты екені анықталған жоқ.