Индонезияның Бали аралында паром өртенді

Индонезияның Бали аралынан Ломбок қаласына кетіп бара жатқан паром өртенді. Соңғы мәліметке қарағанда, бір адам қаза тауып, 172-сі құтқарылған. Қазір жоғалып кеткендер іздестіріліп жатыр.

Куәгерлердің айтуынша, лапылдаған жалын тез тарап, кемеде тұрған автомобильдерді де шарпыған. Қауіп төнген шақта кейбір жолаушылар суға секіріп, көмек күткен. Паромда оттың неден тұтанғаны белгісіз. Қазір тергеу жүріп жатыр.

Айта кетсек, Индонезия – 17 мың аралдан құралған архипелаг. Сондықтан мұнда ұшақпен салыстырғанда билеті арзан паромдар көліктің негізгі түрі саналады.