Алматыдағы сауда орталығында кітап береді

Мұндағы мақсат – қала тұрғындарының кітапқа қолжетімділігін арттыру, оқу мәдениетін дамыту, - дейді ұйымдастырушылар. Игі бастаманың ашылу рәсіміне белгілі жазушылар, қоғам қайраткерлері, мәдениет саласының өкілдері қатысты. Жиналғандар қоғамдық кеңістікте орналасқан жаңа нысан халықтың рухани, зияткерлік әлеуетін дамытуға мүмкіндік береді деп отыр. Қорда 2000-ға жуық кітап жинақталған. Оқырмандардың қызығушылығы мен сұранысын ескере отырып, мұнда қазақ әдебиетінің таңдаулы туындылары, әлем әдебиетінің классикалық шығармалары, заманауи әдебиеттер, балаларға арналған кітаптар, танымдық және ғылыми-танымдық басылымдар бар.