Мажарстандағы студенттеріміз сайлауға белсене қатыспақ
Мажарстандағы қазақстандық жастар 23-тамызда өтетін құрылтай сайлауына белсене қатысуға ниетті. Жас буын өкілдері өз дауысы арқылы елдің болашағына үлес қосып, азаматтық ұстанымын білдірмек. Қазір Мажарстанда бес жүзге жуық қазақстандық студент білім алып жатыр. Еліміздің осы мемлекеттегі елшілігі жанынан 407-сайлау учаскесі құрылды. Бүгінге дейін дауыс беру тізіміне 264 адам тіркелген. Жастар елден, демалыстан оралған бетте Елшілікке хабарласып, сайлаушылар тізіміне тұруға асығуда.
Айсұлу Төлешова, Будапештегі Corvinus университетінің түлегі:
23-тамызда болатын құрылтай сайлауына келіп, дауыс беру әрбір Қазақстан азаматы үшін өте маңызды. Себебі, дауыс беру арқылы біз еліміздің болашағына өз үлесімізді тигізе аламыз. Сондықтан, мен өзім 23-тамызда Қазақстан Республикасының Мажарстандағы елшілілігіне барып, дауыс беремін.
Әмірбек Бекзат, Будапештегі технология және экономика университетінің магистранты:
Қазақстан Республикасы Құрылтай депутататтарын сайлауына қатысуға барамын. Өз дауысымды беремін. Шетелде жүрсек те, Қазақстан Республикасының азаматы болғандықтан бұны өзімнің азаматтық парызым деп қабылдаймын. Сол үшін барлықтарыңызды тамызда сайлауға қатысуға шақырамын.
Автор
Нұрсұлу Қасым
Сондай-ақ оқыңыз
Барлығы
Халықтық құрылыс өңірлердің өркендеуіне серпін бермек
22.11.2026, 10:03
Құрылтай бірқатар маңызды заң жобасын қарап жатыр
22.11.2026, 10:00
Таразда бес елдің дизайнерлері қатысатын халықаралық сән фестивалі өтіп жатыр
21.11.2026, 14:44
Талдықорғанда Креативті орталық ашылып, жаңа музей салынады
21.11.2026, 11:24
101 мектептің құрылысы жүріп жатыр
20.11.2026, 20:32
Өнерге әркімнің-ақ бар таласы
20.11.2026, 20:30
Отбасы құндылығын нығайту – ортақ міндет
20.11.2026, 20:26
Көгілдір отын ауыл халқының тірлігін жеңілдетті
20.11.2026, 20:25