Колумбияда зілзаладан қаза тапқандар саны 254-ке жетті

Колумбияның ондаған қаласы мен елді мекендерінде іздеу-құтқару операциялары жалғасып жатыр. Соңғы мәліметке қарағанда, Перейра қаласында зілзаладан кейін 36 сағат өткенде үйінділер астынан бір әйел тірі табылды. Даниэла Ларгос Санчес есімді тұрғынға қазір дәрігерлік көмек көрсетіліп жатыр.

Айта кетсек, бұл мемлекеттің батысында қуаты 7,4 баллдық жер сілкінісі дүйсенбі күні болды. Одан қаза тапқандар саны 254-ке жетіп, мыңдаған адам баспанасыз қалған. Сонымен қатар, алапат дүмпуден үйлермен бірге мектептер мен ауруханалар да құлап, бірталай адам жоғалып кетті және жүздегені жараланған.