Қызылордада жастар арасында дебат өтті

Қызылордада «Заң мен тәртіп» қағидаты аясында республикалық дебат өтті. Жастардың құқықтық сауаттылығын арттырып, азаматтық жауапкершілігін күшейтуге бағытталған пікірсайысқа еліміздің әр өңіренен 14 команда қатысты.

Заң мен тәртіп – тек құқық қорғау органдарының міндеті емес, бүкіл қоғамға ортақ жауапкершілік. Жүйрік ойлы, сөзге мығым жастар осы тақырып аясында қызу пікірталасты. Елімізде құқықтық мәдениетті қалыптастырудың маңызы зор. Дебатқа қатысушылар жуырда заңды күшіне енген жаңа Конституцияны талқылап, артықШылықТарына тоқталды.

Бекзатхан Махамбет, дебат ұйымдастырушы:

Еліміздің негізгі іргетасы және де бастаушы күші ол жастар болғандықтан жастар арасындағы үлкен қозғалысты жүргізу мақсатында осы Заң мен тәртіп қағидасы бойынша өтіп жатыр. Заң мен тәртіп деп отырғанымыз кез келген адамның бағынуы керек және де бағынуы тиіс мемлекеттің бөлшегі ретінде қарастырылатын нәрсе деп түсінеміз.