Филиппин аралдарында лай көшті

Филиппин аралдарының Багуио қаласында лай көшіп, үйлерді көміп тастағанда кемінде 10 адам қаза тапты. Үш тұрғын құтқарылған. Оқиға ел астанасы Маниланың солтүстігіндегі таулы ауданда болды.

Апатқа бірнеше күн бойы толастамай жауған жаңбыр себеп. Жергілікті ақпарат құралдарының хабарлауынша, еріктілер мен құтқарушылар қиын жағдайда адамдарды екі күн бойы іздестірді. Сонымен қатар ұзаққа созылған жауыннан Кордильера өңірінде су тасып, одан да талай үй зақымданған.