Демократия институты әлеуметтану зерттеуін жүргізді

Демократия институты шілденің 20-сы мен тамыздың 6-сы аралығында әлеуметтану зерттеуін жүргізген. Оның нәтижесіне сәйкес Мемлекет басшысына деген елдің сенімі жоғары деңгейде сақталып отыр.

Сауалнама 17 облыс пен 3 республикалық маңызы бар Астана, Алматы және Шымкент қалаларында жүргізілген. Оған 18 жастан асқан 8000 адам қатысқан. Респонденттердің  85 пайыздан астамы ел президентіне сенімім жоғары деп пікір білдірген. Әсіресе 18-29 аралығындағы, яғни 90,1%  жастар президентке жоғары деңгейде сенім артып отырғаны анықталды. Меммлекеттің даму бағытына да халықтың басым бөлігі қолдау білдіріп отыр. Атап айтқанда, 82 пайызға жуық қазақстандық мемлекет дұрыс бағытта ілгерілеп келеді деп санайды.