Сайлау учаскеңізді eGov Mobile қосымшасынан біле аласыз

23 тамызда өтетін Құрылтай сайлауы туралы толық ақпаратты енді eGov Mobile қосымшасы мен eGov.kz порталынан көруге болады. Яғни сайлаушылардың дауыс беру учаскесі мен мекен-жайы, сондай-ақ өзге де қажетті мәліметтер бір жерге жинақталды. Мәселен азамат eGov Mobile қосымшасына тіркеліп, кірсе, бірінші бетінде «Құрылтай-2026» бөлімі бар. Батырманы басып, «сұрақ-жауап» бөлімінен өзіне керекті ақпаратты алады. «Өз сайлау учаскеңізді табыңыз» деген батырманы басып, дауыс беру аймағы мен ЖСН-ді енгізсе, тіркелген учаскесін анықтайды. Кей сұрақтарға қатысты бейненұсқаулық та енгізілген.