Орман өрті қаулап, британдық Колумбияда төтенше жағдай жарияланды

Канаданың британдық Колумбия аймағында орман өрті бақылаудан шығып барады. Әсіресе Саммерланд қаласы маңындағы жағдай қиын. Мұнда тілсіз жау бірнеше күннен бері дес берер емес. Соңғы мәліметке қарағанда, аймақта төтенше жағдай жарияланып, мыңдаған адам үйлерін тастап кетті. Эвакуацияланғандар саны 20 мыңнан асып отыр.

Әзірге бір адамның қаза тапқаны белгілі. Ол – үйін шарпыған өрттен қашып құтыла алмаған 80 жастағы әйел.

Жалпы алғанда, Канадада биыл 13600 гектардан астам жасыл желек күлге айналды. Және де шілде айында мұнда өрттің 200-дей ошағы тіркеліп, орманнан көтерілген қою түтіннен Торонтода ауаның сапасы нашарлап кеткен.