Сауд Арабиясы, Түркия, Пәкістан ортақ қорғаныс келісіміне қол қойды

Осыдан бірер сағат бұрын Меккеде Сауд Арабиясы, Пәкістан, Түркия ортақ қорғаныс келісіміне қол қойды. Осылайша АҚШ-тың үш сүнниттік одақтасы Таяу Шығыстағы жағдай шиеленісіп тұрған шақта әскери салада күш біріктіріп жатыр. Тараптар таратқан мәлімдемеде көрсетілгендей, осы үштіктің біреуіне жасалған қарулы шабуыл барлығына жасалған қастандық ретінде қарастырылады. Сонымен қатар, үшжақты құжаттың ұжымдық қауіпсіздікті нығайтуға, бейбітшілікті сақтауға бағытталғаны да айтылған. Сарапшылардың пікірінше, бұл үштік одақты Таяу Шығыстағы тұрақсыздық пен Израиль мен Иран арасындағы текетірес көбірек алаңдатып отыр.