Басты Жаңалықтар Алтынды заңсыз қазып жүргендер ұсталды

Алтынды заңсыз қазып жүргендер ұсталды

07.08.2026 13:15

Қызылорда облысында бағалы металдарды заңсыз өндірумен айналысқан қылмыстық топ ұсталды. Қазір 13 адам қамауға алынып, тергеу амалдары жүріп жатыр.

Олар Шиелі ауданы аумағындағы Қаратау жотасында тау-тасты қопарып алтын сынықтарын іздеген. Ұйымдасқан қылмыстық топ мүшелері нақты жоспар құрып, барлық іс-әрекетін ойласқан түрде жүзеге асырған. Бір топ жерден алтын іздесе, енді біреуі бағалы металды тасымалдап, сатумен айналысқан. Тіпті қазба жұмыстарын жүргізетін аумаққа бақылаушылар қойып, қару-жарақпен күзеткен. Құзырлы органдар бірлесіп, әккі қылмыскерлердің заңсыз әрекетін тоқтатты.

Ернар Тайжан, ҚМА ресми өкілі:

Тінту барысында құрамында алтыны бар 500 грамнан астам шикізат, 2 арнайы техника, 12 металл іздегіш және 6 автокөлік тәркіленді. Сондай-ақ 2 пневматикалық тапанша мен тегіс ұңғылы мылтық табылды. Қазір 13 адам қамауға алынды. Тергеу жалғасып жатыр.

Автор

Әділбек Серікұлы

Бөлісу