Грузияда жаппай электр жарығы өшті

Грузияда соңғы екі аптада 3 мәрте жаппай электр жарығы өшті. Ел астанасы Тбилиси мен бірқатар өңір жарықсыз қалған. Пойыз қатынасы тоқтады. Ал дәмхана, дүкен, мейрамхана иелері шұғыл түрде резервтегі генераторларды қосқан. Алдын ала мәліметтерге сай, электр қуаты Ингур су электр станциясындағы агрегаттарды тексеру кезінде өшсе керек. Ал станция өкілдерінің айтуынша, бұл сынақ жақында болған апаттардан кейін елдің электр желісінің әлсіз тұстарын анықтау үшін жүргізілген.