Басты Жаңалықтар БҚО-да 232 адам әкімшілік жауапкершілікке тартылды

БҚО-да 232 адам әкімшілік жауапкершілікке тартылды

06.08.2026 13:18

Батыс Қазақстан облысында судағы қауіпсіздік талаптарын бұзға 232 адам әкімшілік жауапкершілікке тартылды. Оларға 3,5 млн теңге айыппұл салынды.

Өңірде шомылу маусымы басталғалы 6 адам суға кетіп, көз жұмды. Олардың 4-і бала. Облыс аумағында шомылуға арналған 34 орын белгіленген. Табиғат қорғау прокуратурасы құтқарушылар, полиция қызметкерлерімен бірлесіп, рейдке шықты. Әсіресе демалыс күндері қауіпсіздік шаралары күшейтіледі. Аптап ыстықта судан сая іздегендерге қарапайым ережелер түсіндіріледі. Үш өзенде құтқару батальонының 10 жеке құрамы қауіпсіздікті бақылайды. Облыс орталығында 7 орында, сондай-ақ Ақжайық, Бөрлі, Теректі аудандарында құтқару жасағының бөлімшелері жұмыс істейді.

Зарина Ерсайынқызы, облыстық мамандандырылған табиғат қорғау прокуратурасының аға прокуроры:

Қайғылы оқиғалардың негізгі себептері – жабдықталмаған жерлерде шомылу, балаларды ересектердің қарауынсыз қалдыруы және қауіпсіздік қағидалары талаптарының сақталмауы. Жүргізіліп жатқан жұмыстардың нәтижесінде су айдындарындағы оқиғалар санының төмендеу үрдісі байқалады.

Автор

Ардақ Мұратқызы

Бөлісу