Шымкентте үштегі бала терезеден құлап, мерт болды

Шымкентте үш жасар бала тоғызыншы қабаттың терезесінен құлап, көз жұмды. Алдын ала мәлімет бойынша, бүлдіршін үлкендердің қарауынсыз қалған. Оқиға орнына жедел жәрдем бригадасы жеткенімен, баланы аман алып қала алмады. Жыл басынан бері мегаполисте көпқабатты үйлердің терезесінен құлаған 9 баланың төртеуі қаза тауып, бесеуі түрлі дене жарақатын алған. Сондықтан Төтенше жағдайлар департаменті балаларды көзден таса қылмай, қауіпсіздік талаптарын қатаң сақтауға шақырады.