Тойда теріс пікір айтқан тұрғын қамауға алынды

Түркістан облысы, Жетісай ауданында, тойда дәстүр мен дінге қатысты теріс пікір айтқан ер адам қамауға алынды. Полиция 66 жастағы тұрғынды бүгін уақытша ұстау изоляторына жеткізді. Осы оқиғаға қатысты діни және әлеуметтік араздықты қоздыру белгілері бойынша қылмыстық іс қозғалды.

Мәди Бесбаев, теолог:

Бұл зайырлылық принципіне қайшы келген мәселе. Жәнеде бір байқағаным біздің ұлттық дәстүрімізді жоққа шығару. Ал шын мәнісінде «Діни қызмет және діни бірлестіктер» туралы заң бойынша ондай уағыз насихатты белгіленген дін мамандары ғана жүргізе алады. Кез келген адам көпшіліктің ортасында, адамдардың шоғырланған жерінде егерде оның ондай өкілеттілігі болмаса ол уағыз насихат айтуға құқы жоқ.