«Болашақ ойындары»: Турнирді көрушілер көбейіп келеді

Бүгін «Болашақ ойындарында» Фиджитал-футбол және фиджитал-шутер дисциплиналары бойынша топтық кезеңдегі жарыстар өтіп жатыр. Фиджитал-MOBA бойынша финалдық ойын және үшінші орын сарапқа салынатын матч бар. Айта кетейік, Dota 2 турнирінде қазақстандық Rune Eaters командасы қола жүлде үшін серияның алғашқы картасында Қытайдың Team Resilience командасына есе жіберді.  Кездесудің алғашқы картасы 34 минутқа созылды. Матч барысында қытайлық команда біртіндеп басымдыққа ие болып, сериядағы есепті өз пайдасына ашты. Ал, болашақ ойындарының ұйымдастырушыларының айтуынша, онлай  трансляциялардың ғана саны көбейіп жатқан жоқ. Стадионға келіп жатқан жанкүйерлердің де қатары күн өткен сайын артып келеді.

Бізде ойындарды онлайн режимде тамашалайтын көрермендеріміз өте көп. Негізгі аудитория осы онлайн форматта, әрине. Бізді 150-ден аса ел көріп отыр. Дегенмен осында келіп жатқан жанкүйерлер өте көп. Әсіресе финалдық ойындар кезінде, тіпті арта түседі.