Италияның 27 ірі қаласына аптап ыстықтың қаупі бар

Италияда аптап ыстыққа байланысты 27 ірі қалада қауіптің қызыл түсі жарияланды. Мұндай режим бүкіл халықтың денсаулығына аса жоғары температураның зияны тиюі мүмкін екенін ескертеді. Жергілікті биліктің мәлімдеуінше, сынап бағанасы тым көтерілгенде, жастар мен дені сау адамдар да сақтануы керек.

Айта кетсек, Италияға қазір ыстықтың төртінше толқыны жетті. Сондықтан тұрғындарға таңертеңгі сағат 11 мен кешкі сағат 6 аралығында күннің астында жүрмеуге кеңес беріліп отыр.