106 елден 500 оқушы келді

Астанаға 106 елден 500 үздік оқушы келді. Олар жасанды интеллект бойынша III халықаралық олимпиадаға қатысып жатыр. Дарынды білім алушылардың бірі - солтүстік африкалық Раволен Четти. Білім додасына үш жыл қатарынан дайындалған ол өз елінде мыңдаған оқушының арасынан таңдалған. Бұл Четтидің шет елдердегі осымен төртінші  олимпиадасы. Жас өрен біздің елде жарыс жоғары деңгейде ұйымдастырылғанын айтады. «Қазақстанда цифрлық технологиялар дамыған. Алдағы уақытта осында білім алғым келеді» дейді Четти.

Четти Раволен, қатысушы:

Қазақстанға келгенде қатты таңқалдым. Болашақ айти маман ретінде айтайын, мұнда әлемдегі озық технологиялар жұмыс істейді. Осында университетте білім алсам тамаша болушы еді. Сондай мүмкіндік туса мықты маман болып қалыптасатыным сөзсіз.