Оңтүстік Кореяда ыстықтан 16 адам қайтыс болды

Оңтүстік Корея президенті Ли Чжэ Мён басшыларды аптап ыстықтан зардап шегіп жатқан адамдарды қорғауға және энергия жүйесіне инспекция жүргізуге шақырды.

Оның сөзінше, ыстықтан қайтыс болғандар саны 16-ға жеткен.

Елдің метеорологиялық басқармасының дерегінше, оңтүстік-шығыстағы Янгсан қаласында ауаның температурасы 42 градустан асып кеткен. Cонымен қатар 1900-ге жуық адам науқастанды.

Айта кетсек, Кореяның ауа райын бақылау тарихында сынап бағанасы соңғы 122 жылда алғаш рет мұндай дәрежеге көтеріліп отыр. Ал Сеулде үлкен кесек мұз 36 минутта еріп кеткен. Мұнда да халыққа ыстықтан сақ болу туралы ескерту таратылды.