Бокстан Азия ойындарына қатысатын спортшылардың тізімі шықты

Бокстан Азия ойындарына қатысатын Қазақстан әйелдер құрамасының тізімі жарияланды. Олар 51 келіге дейінгі салмақ дәрежесінде жұдырықтасатын Алуа Балқыбекова, 54 келі салмақта Назым Қызайбай, 60 келіде Виктория Графеева, 65 және 75 келі салмақ дәрежелерінде Аида Әбікеева және Наталия Богданова. Былғары қолғап шеберлері Азия ойындарына дайындықты бастады.

Айта кетейік, соңғы рет Қазақстан әйелдер құрамасы Қытайдың Гуйян қаласында өткен әлем кубогы кезеңінде өнер көрсетіп, 2 алтын, 3 қола жеңіп алған еді.