Шымкентте тыйым салынған жерде шомылғандар жазаланды

Шымкентте тыйым салынған жерде суға түскені үшін 36 адам әкімшілік жауапкершілікке тартылды. Қазір қаладағы су айдындарында бақылау күшейтіліп, рейдтік жұмыстар жүргізіліп жатыр. Шомылу маусымы басталғалы ересектердің қарауынсыз қалған екі бала суға батып, көз жұмды. Құтқарушылар түсіндіру жұмыстарын күшейтіп, арнайы белгіленген жерлерде ғана шомылу қажеттігін ескертеді. Шаһар аумағындағы 2 өзен мен 34 каналдың тек үш жерінде ғана шомылуға рұқсат бар.