Ж. Сүлейменов: Деструктивті ағымдар жаңа әдістерді қолдануға көшті

Деструктивті діни ағымдардың ықпал ету тәсілдері өзгеріп келеді. Белгілі сарапшы Жандәулет Сүлейменовтің айтуынша, олар адамдарды тек идеология арқылы емес, түрлі бизнес жобалар мен әлеуметтік орта қалыптастыру арқылы да өз қатарына тартуға тырысады.

Жандәулет Сүлейменов, теолог, SAPSAN стратегиялық орталығының директоры:

Олардың қазір белсенділігі адам тартудан гөрі, сол қалыптасқан қоғамдық ұйымды ұстап тұру. Сондықтан бизнес секторларында белсендіріліп жатыр. Мысалы, қандай? Халал ресторандар ашу, кафетерий ашу, демалыс орындары. Және сол жерге осы идеологияны ұстанушы адамдарды тарту. Әрине, құқықтық тұрғыда бағалайтын болсақ, заңға қайшы деп айта алмаймыз. Десе де осындай әлеуметтік өзгерістерді, құбылыстарды байқап отырмыз.