Базалық мөлшерлеме 16,75 пайызға төмендеді

Ұлттық банк базалық мөлшерлемені 16,75%-ға дейін төмендетті. Банк төрағасы бұған инфляцияның төмендеуі, экономиканың тұрақты өсімі себеп болғанын айтады. Сонымен қатар инфляцияның тоғыз ай қатарынан баяулауы да әсер еткен. Маусымдағы бұл көрсеткіш 10,3%, ал мамырда 10,4% болған. Экономика да оң өсім бар. Биыл алғашқы жартыжылдықта елдің жалпы ішкі өнімі 4 пайыздан аса өсті.

Тимур Сүлейменов, ҚР Ұлттық банкі төрағасы:

Биылғы жартыжылдық қорытындысына сәйкес, ЖІӨ 4,1, инвестиция 9,6 пайызға өсті. Теңге бағамы тұрақты, тұтынушылардың сұранысы жүйеленді. Осының бәрі базалық мөлшерлемені төмендетуге әсер етті.  Алдағы шешімдер инфляция деңгейін, экономикалық көрсеткіштерді және әлемдік нарықтағы жағдайды ескере отырып қабылданады. Келесі базалық мөлшерлеме бойынша ұйғарым 4 қыркүйекте жарияланады.