Құрылтай сайлауы – жаңа саяси кезең

Алдағы Құрылтай депутаттарының сайлауы Қазақстанның саяси дамуындағы маңызды кезеңдердің бірі болмақ. Армениялық сарапшы Геворг Меликянның пікірі осындай. Оның айтуынша, жаңа Конституция елдің мемлекеттік басқару жүйесіндегі жаңа кезеңнің құқықтық негізін қалыптастырады. Себебі бұл - негізгі заң қабылданғаннан кейінгі алғашқы саяси науқан.

Геворг Меликян, Арменияның тұрақтылық және мемлекеттік басқару институтының басшысы:

Сайлауға жеті партияның қатысуы елдегі саяси бәсекелестіктің артып келе жатқанын көрсетеді. Бұл азаматтардың мемлекеттің болашағына деген қызығушылығы мен саяси жауапкершілігінің қалыптасқанын аңғартады. Ал пропорционалдық сайлау жүйесі партиялар арасындағы бәсекені күшейтіп, олардың халық алдындағы жауапкершілігін арттыруға мүмкіндік береді. Сондықтан, Құрылтай депутаттарының сайлауы кезекті саяси науқан емес. Қазақстанның жаңғыру жолындағы жаңа белесі.