630 мың көпбалалы отбасы мемлекеттік жәрдемақы алады

Қазақстанда көпбалалы 636 мың отбасы жәрдемақы алады. 1 шілдедегі мәлімет бойынша оларға 303 млрд теңге төлем жасалған. Жалпы елімізде балалы отбасыларға арналған 5 негізгі қаржылай қолдау түрі бар. Яғни сәбилі болғанда біржолғы жәрдемақы беріледі, көлемі 164 350 теңге. Ал төртінші және одан кейінгі балаларға 272 475 теңге болып белгіленген. Бұдан бөлек, жұмыс істейтін аналарға әлеуметтік төлемдер, көпбалалы және мүгедектігі бар бала тәрбиелеп отырған отбасыларға да ай сайынғы жәрдемақы қарастырылған. Айта кетейік, биыл барлық қаржылай қолдау 10 пайызға ұлғайтылды.

Алтынжан Маясарова, ҚР Еңбек және әлеуметтік қорғау министрлігі департамент басқармасының басшысы:

4 баласы бар отбасыларға 69 330 теңге, 5 баласы бар отбасыларға 86 673 теңге, 6 баласы бар отбасыларға 104  017 теңге, 7 баласы бар отбасыларға – 121 360 теңге, ал 8 және одан да көп баласы бар отбасыларға әрбір балаға 4 АЕК немесе 17 300 теңгені құрайды.