7 мыңдай қыз-келіншек әскери қызметте

Қарулы күштер сапында 7 мыңға жуық әйел әскери қызмет атқарады. Олардың мыңға жуығы офицер, ал 6 мыңнан астамы келісімшарт негізінде әскери борышын өтеп жүр. Әйел әскери қызметшілер медицина, байланыс, құқық, қаржы, ақпараттық технологиялар және материалдық-техникалық қамтамасыз ету салаларымен қатар, ұшқыш, мерген, арнайы мақсаттағы бөлімдердің маманы және ұшқышсыз ұшу аппараттарының операторы ретінде де қызмет атқарады. Қазақстанда әйелдерді мерзімді әскери қызметке шақыру қарастырылмаған. Әскери қызметке ниетті азаматшалар келісімшарт негізінде Қарулы күштер қатарына өз еркімен қабылдана алады, - дейді Қорғаныс министрлігі.