ОСК: Құрылтайға 546 депутат ұсынды

Орталық сайлау комиссиясы үміткерлерді ұсыну қорытындысын жариялады. Оған сәйкес, сайлау комиссиясына 7 партиядан 546 кандидат ұсынылған. Қазір партиялық тізімдердің заң талаптарына сәйкестігі тексеріліп жатыр. Тіркеу 23 шілде күні кешкі сағат 18:00-де аяқталады. Сондай-ақ комиссия мүшелері мүгедектігі бар азаматтардың сайлау құқығын қамтамасыз ету мәселесін қарады. Учаскелерде Брайль қарпіндегі трафареттер, аудионұсқаулықтар қолжетімді болады. Инватакси қызметі ұйымдастырылады. Отырыс соңында шет мемлекеттер мен халықаралық ұйымдар байқаушыларын тіркеу талқыланды.