Ел жаңалықтарына шолу

Тамыздан бастап AJET әуе компаниясы Астана – Анкара және Алматы – Анкара бағыттарындағы рейстер санын көбейтеді. Қазір аталған маршруттар бойынша рейстер аптасына екі рет орындалып жүр. Келесі айдан бастап жолаушылар күн сайын дерлік ұша алады. Әуе сапарының көбеюі Қазақстан мен Түркия арасындағы байланысты нығайтып, туризм, бизнес және сауда-экономикалық ынтымақтастықты дамытуға мүмкіндік береді.

Қатонқарағайда өткен «Алтай – түркі әлемінің алтын бесігі» халықаралық фестивалі Димаш Құдайберген қатысқан гала-концертпен түйінделді. Шараға 50 мыңнан астам көрермен жиналған. Фестивальге әлемнің 30-ға жуық елінен делегация қатысып, жанкүйерлер Индонезия, Өзбекстан, Әзербайжан, Чехия, Германия, Франция, Польша және басқа да мемлекеттерден арнайы келген. Кеште қазақтың халық әні «Aqerke» алғаш рет заманауи өңдеуде орындалды. Одан бөлек рок стилінде орындалған «Адай» күйі де тындаушылардың көңілінен шықты.

Қазақстанда қан донорларына арналған «Құрметті донор» төсбелгісі тағайындалды. Оны 40 рет қан тапсырған адам алады. Тромбоцит, 70 рет плазма тапсырған азаматтарға да беріледі. Алғашқы иегерлері де белгілі. Талапқа сай келетін ел ішінде 481 тұрақты донор бар. Төсбелгі шетелдіктер мен азаматтығы жоқ адамдарға да беріледі.