«Мөлдір бұлақ» экологиялық акциясының екінші кезеңі өтті

«Таза Қазақстан» аясында ұйымдастырылған «Мөлдір бұлақ» республикалық экологиялық акциясының екінші кезеңі еліміздің 12 облысында өтті. Яғни, бір мезетте Ақмола, Ақтөбе, Атырау, Шығыс Қазақстан, Батыс Қазақстан, Қарағанды, Қостанай, Маңғыстау, Павлодар, Солтүстік Қазақстан, Абай және Ұлытау облыстарында  ұйымдастырылды. Су ресурстары және ирригация министрлігінің бастамасымен жүзеге асқан іс-шара аясында 58 бұлақ пен 35 су айдынының аумағы тазартылды. Тазалық акциясына 11 мыңнан аса адам қатысты.

Нұржан Нұржігітов, ҚР Су ресурстары және ирригация министрі:

Мақсатымыз - жалпы қоғамның ішінде табиғатқа, оның ішінде әрине су ресурстарын үнемдеу, оны ұтымды пайдалану мәселесіне назар аудару. Мемлекет басшысы өз сөзінде айтқан, біз  су пайдалану барысында су үнемдеу мәдениетін қалыптастыру керек деген. Министрлік осы бағытта белсенді түрде жұмыстар жүргізіп жатырмыз.