Басты Жаңалықтар Ақмола облысында «Таза Қазақстан – ортақ жауапкершілік» тақырыбында дәріс оқылды

Ақмола облысында «Таза Қазақстан – ортақ жауапкершілік» тақырыбында дәріс оқылды

10.07.2026 17:33

Ақмола облысының Жақсы ауданында «Таза Қазақстан» жалпыұлттық акциясы аясында жастарға экологиялық мәдениетті қалыптастыру бойынша дәріс оқылды. Кездесу соңы сенбілікке ұласты.

Дәріс «Таза Қазақстан – ортақ жауапкершілік» тақырыбында өтті. Экологиялық акция «Туған жерге тағзым таза ортадан басталады» айдарымен сенбілікке ұласты. Оған жастар мен еріктілер және мемлекеттік қызметшілер қатысты. Барлығы 200-ге тарта адам Алматы – Екатеринбург тасжолы бойын қоқыстан тазартты.

Еламан Қарашин, Жақсы аудандық ТҮКШ бөлімінің жетекшісі:

Бүгінде аудан аумағында 127 сенбілік, 115 таза бейсенбілік өткізілді. Оған 12 мыңға жуық адам қатысты. Сондай-ақ аудан тұрғындары өзен-көлдердің жағалауларын да қоқыстан тазартты. Тазалық ациялары аясында 70 мың тонна қоқыс шығарылып, бір мыңнан аса ағаш көшеттері отырғызылды.

Автор

Бибінұр Әмірханқызы

Бөлісу