Құрылтай депутаттары сайлауына дайындық пысықталды

Орталық сайлау комиссиясы жанындағы сараптамалық кеңестің алтыншы отырысы өтті. Жиында сайлау туралы заңның нормалары сөз болды. Әсіресе Құрылтай депутаттарының сайлауына дайындық жайы кеңінен талқыланды. Енді саяси науқанға бөлінген қаржының тиімді жұмсалуы жіті бақыланады. Үгіт-насихат үшін сайлау қорынан тыс ақша немесе материалдық көмек алуға болмайды. Бүгінгі сараптамалық кеңесте осы өзгерістер саяси науқан кезінде қалай жүзеге асатыны талқыланды. Жиналғандар әр норманы егжей-тегжей қарап, Орталық сайлау комиссиясына ұсыныстарын жеткізді.

Снежанна Имашева, ҚР ОСК Жанындағы сарапшылық кеңестің мүшесі:

Мысалы, өте бір маңызды норма бар - сайлау фондынан тыс ешқандай саяси партия, кандитат қаражатты пайдалана алмайды. Тек қана сайлау фондының ақшасы негізінде өз агитациясын жүргізеді. Міне, осындай өзгерістер жарық көрді. Осыны бүгін эксперттік топ жіліктеп талқылайды.