ӘЧ – 2026: Аргентина ширек финалда

Алғашқы тайм аргентиналықтарды есеңгіретті. Төрешінің ысқырығынан кейін шабуылға шыққан Аргентина құрамасының шабуылын қайтарған мысырлықтар бірінші болып есеп ашты. Сәтті пасты қабылдаған Ясер Ибрахим қорғаушыларды қапы қалдырып, Эмилиано Мартинестің қақпасынан саңылау тапты. Аргентина қысымды күшейтіп, қарсылас қақпасына жақындаған сәтте ереже бұзылып, пенальти белгіленді. Алайда Месси мүмкіндігін пайдалана алмады. Бұл жерде Мессидің қателігінен гөрі, мысырлық қақпашының қырағылығын атап өткен жөн. Бірінші тайм осылай аяқталды. Екінші таймда Салах бастаған жігіттер тағы бір гол соқты, бірақ төреші VAR-ға жүгініп,  оны есепке алмады. Дегенмен мысырлықтар қарқынын бәсеңдетпей, жүйелі шабуыл ұйымдастырып, екінші голын соқты. Бұл жолы есепке алынды. Осы сәтте аргентиналықтардың үміті азайған еді. Ойын соңына қарай Месси нәтижелі пас беріп, Кристиан Ромеро есепті қысқартты. Артынша Лионель Месси де гол соғып, таразы басын теңестірді. Жеңімпаз қосымша уақытта анықталатын сияқты көрінгенімен, Челсидің жартылай қорғаушысы Энцо Фернандес драмалық кездесудің соңғы нүктесін қойып, жанкүйерлерін қуантты. Қорытынды есеп 3:2. Аргентина келесі кезеңге жолдама алды.