Ресейде жанармай күн сайын қымбаттап барады

Ресейде бензиннің қымбаттауы рекордтық көрсеткішке жетті. Аи-92 және Аи-95 маркалы бензин бағасы қазіргі уақытта 12 пайызға жоғарылаған. Елге сырттан келетін бензин құны да айтарлықтай көтеріліп кетті. Қазір Ресейге Үндістан, Беларусь елдерінен келетін жанармай көлемі көбейді.  Дегенмен бұл да ішкі сұранысты қанағаттандыра алмай отыр. Себебі Ресейде күніне ішкі сұраныс 110 мың тоннадан асады. Бензин тапшылығы алдағы жарты жылда шешілмейді, дейді мамандар. Өйткені елдегі он мұнай өңдеу зауытының сегізі істен шыққан.

Жаз айларында бензинге сұраныс жоғары. Себебі ауыл шаруашылығы саласына жанармай қажет. Алайда сапалы бензин елде жоқтың қасы. Бұл салаға субсидия бөлінгенімен, мәселе шешілер емес. Сондықтан сапасы нашар бензин өндіріледі.