Халық Конституциясы: Ел болашағы жастар қолында

Халық Конституциясында жастардың бастамашылдығын қолдау, еріктілік қызметтің мәртебесін арттыру және азаматтық жауапкершілікті күшейту басым бағыттардың бірі ретінде айқындалған. Конституциялық құндылықтарды құрметтеу – әділетті қоғам қалыптастырудың маңызды негізі. Бүгінде жастардың білімге, ғылымға, қоғамдық жұмыстарға және еріктілік қызметке белсенді араласуы ел дамуының басты көрсеткіштерінің бірі саналады. Осы ретте Ата заңға қатысты пікір білдірген алматылықтар әрбір азаматтың ел болашағына қосқан нақты үлесі қоғамның өркендеуіне ықпал ететінін ерекше атап өтті.