Жұмыс берушілер ЖОО-на қоятын талаптарын айқындады

Еңбек нарығындағы мәселелер, кадр тапшылығы, жасанды интеллекттің ықпалы және адам капиталын басқарудың жаңа тәсілдері бүгін Астана басталған Human Capital форумында талқыланды. Биылғы форумның басты ерекшелігі – жоғары оқу орындарының қатысуымен өтіп жатыр. Мақсат жұмыс берушілер мен жас мамандар арасындағы тікелей диалог алаңын қалыптастыру. Университеттердің көрме аймағында компания өкілдері ЖОО-ның студенттері мен түлектерінің  кәсіби дайындығымен танысып, тәжірибеден, тағылымдамадан өту және жұмысқа орналасу мүмкіндіктерін ұсынды.

Біз бұл форумға бір жағынан жұмыс берушілердің қазіргі жоғары оқу орындарын бітіретіндерге қоятын талаптарын анықтау. Осы форум аясында қазіргі жас мамандарға, еңбек нарығының өзгеруі бәрі түгел қарастырылады. Біз бұл форумға үздік стуленттерді ала келдік. Бұлар осы форум аясында нақты жұмыс берушілермен кездесіп,  сұхбаттасып, қажет болса жұмысқа да тұру керек.