Хаменеиді жерлеу рәсімі қарсаңында қауіпсіздік шаралары күшейтілді

Иран астанасы Тегеранда елдің бұрынғы жоғарғы жетекшісі Аятолла Әли Хаменеиді жерлеу рәсімі қарсаңында қауіпсіздік шаралары мейлінше күшейтіліп жатыр.

Айта кетсек, Хаменеи АҚШ пен Израиль ашқан соғыстың бірінші күні, яғни, ақпанның 28-де әуе соққысынан қаза тапты. Содан кейін билік тізгіні марқұмның сол шабуылдан ауыр жараланған және осы күнге дейін көрінбеген 56 жастағы ұлы Моджтабаның қолына өтті.

Ертең Хаменеидің, қызы мен күйеу баласының, немересінің және келінінің, яғни, Моджтабаның әйелінің мәйіті Тегеран мешітіне қойылады. Қаралы жиын Ирактың шииттер үшін қасиетті саналатын Наджаф және Кербала қалаларында да өтеді.  Жергілікті ақпарат құралдарының хабарлауынша, Хаменеи шілденің 9-да туған қаласы Мешхедте жерленеді.